• 1. artikulua: Espainia era guztietako langileen Errepublika demokratikoa da, Askatasun eta Justizi erregimenean antolatuta.

Bere organo guztien botereak herriagandik datozkio.

Errepublikak Estatu integrala osatzen du, berau Udalerrien eta Herrialdeen autonomiarekin bat etorri ahal izanik.

Espainiako Errepublikaren bandera gorria, horia eta morea da.

• 2. artikulua: Espainol guztiak legearen aurrean berdinak dira.

• 3. artikulua: Estatuak ez du erlijio ofizialik.

• 4. artikulua: Errepublikaren hizkuntza ofiziala gaztelania da.

Espainol guztiek bera jakin behar dute eta bera erabiltzeko eskubidea, Estatuaren legeek probintzia edo herrialdeetako hizkuntzei aitor diezazkiekeen eskubideei kalterik egin gabe. Lege berezietan, hala erabaki ezik, inori ezingo zaio eskatu herrialde bateko hizkuntza bat jakin edo erabili beharra. (…)

• 12. artikulua: Autonomi herrialdearen Estatutua onartzeko, ondoko baldintzak bete beharko dira:

a. Haren udal gehienek edo, gutxienez, beren baitan herrialde horren zentsoaren bi herenak dauzkaten udalek proposatzea.

b. Hauteskunde-legeak erabakitzen duen eran, herrialdeko zentsuan inskribaturiko herritarren bi herenek onartzea. Ezezko emaitza nagusi ateraz gero, ezingo da beste autonomi proposamenik egin harik eta bost urte pasa arte.

c. Gorteek hura onartzea.

Herrialde-Estatutuak Kongresuak onartu ahalko ditu, beti ere, honako titulu honekin bat etorri eta , inondik ere, Konstituzioaren aurkako agindurik ez baleuka, ez eta Estatuaren lege organikoen kontrakorik ere, herrialdeko botereari ezin utzizko gaietan, 15. eta 16. artikuluek Gorteei aitortzen dieten ahalmenari kalterik egin gabe (…).

Espainiako Errepublikaren Konstituzioa (1931)

Kororen ataria