Espainol nazioaren ezohiko Gorte Nagusiek, azterketa xehatua eta deliberazio sakona egin ondoren (…) ondoko Konstituzio politikoa dekretatzen dute Estatuaren gobernu on eta administrazio zuzenerako (…)

• 3. art. Subiranotasuna funtsean nazioan datza eta, horrexegatik, beroni dagokio bere oinarrizko legeak ezartzeko eskubidea.

• 4. art. Nazioa beharturik dago lege zuhur eta zuzenen bitartez, bera osatzen duten gizabanako guztien hiritar askatasuna, jabetza eta gainerako legezko eskubide guztiak kontserbatu eta babestera. (…)

• 7. art. Espainol guztiak beharturik daude Konstituzioarekiko fideltasuna gordetzera, legeak obeditu eta ezarririko agintariak errespetatzera.

• 8. art. Era berean, espainol guztiak, salbuespenik gabe, beharturik daude Estatutaren gastuetan bere ondasunen arabera parte hartzera. (…)

• 12. art. Espainol nazioaren erlijioa katoliko, apostoliko eta erromatarra, egiazkoa den bakarra, da eta izango da. Nazioak bera lege zuhur eta zuzenen bidez babesten du, eta beste edozein erlijioren praktika galarazten. (…)

• 14. art. Espainol Nazioaren Gobernua herentziazko Monarkia moderatua da.

• 15. art. Legeak egiteko ahalmena Gorteek daukate, Erregearekin batera.
• 16. art. Legeak betearazteko ahalmena Erregeak dauka.

• 17. art. Legeak kausa zibil eta kriminaletan aplikarazteko ahalmena legeak ezarririko epaitegietan datza.